蘇州河戀曲歌詞

蘇州河戀曲 - 頂樓的馬戲團
詞：頂樓的馬戲團
曲：頂樓的馬戲團
從小我了還蘇州河邊
潘家灣長大
嘴巴里講額是
一口流利的江北閒話
立了閣樓頂上放眼出去
就是一片片棚戶
祖祖輩輩日腳就這樣過
吃好夜飯牽子大人
額手出去散散步
看一看墨赤烏黑的蘇州河
周圍額工廠裁偷偷叫往
儂身體裡排污
沒人用心地將儂愛護
啊，蘇州河，
啊，我額母親河
臭氣熏天額垃圾船
從儂身朗廂騰過
人人裁捏牢鼻頭
從儂腰眼角落溜過
現在沿了儂額兩岸裁種滿了綠化
鋪上了一條條挺括額柏油路
了上海樓市同樣墨赤
烏黑額天空下
儂是伊拉
炒了最熱額一幅畫
現在額我已經勿是
伊個小辰光額我
儂還是勿是我小辰光額伊條河
好看到儂風景額
小區是造了一隻比一隻大
我只有每天低頭乘輕軌經過
啊，蘇州河，
啊，我額母親河
真為儂開心看到儂
三十年來額大變化
我又哪能捨得拿儂錯過
我出差去歐洲兜過
萊茵塞納泰晤士河
幫儂相比只是小巫見大巫
地球村高頭流過來
淌過去勿曉得多少河
而儂永遠是我最親最愛的河
啊，蘇州河，
啊，我額母親河
就算我踏遍全世界
三萬六千五百里路
我哈要回到儂額身邊向儂傾訴
啊，蘇州河，
啊，我額母親河
為啥看儂再多我哈勿會得嫌貶多
就請讓我為儂寫下各一隻歌
為啥看儂再多我哈伐勿會得嫌貶多
各就是我要為儂唱額一支歌