位所歌詞

亻厓一儕行在街路頭
看來來去去個人行過
像滿地個落葉
全部孤棲冷落
天曚曚落過水以後
就像天公愛對亻厓講
心肚個問題汝有想到無？
有想到無？
沙土還認識亻厓無？
街路還記得亻厓無？
講過個話今這下 還有人聽得識無？
亻厓一儕坐在街路項
分來來去去個風吹涼
像寒天個枝葉
全部燥水孤老
天曚曚落過水以後（愛想去想轉 保留聲音還係么個）
就像天公愛對亻厓講（愛保留么個）
心肚個解答汝有尋到無？
有尋到無？
亻厓兜想去想轉 保留聲音還係么個
恩俚個位所
恩俚個位所
同文化流落亻厓兜穿梭
當生疏
存在個意義還知無？
恩俚個位所
同生活變動時間監牢
尋毋到
熟識個語言還知無？
恩俚個位所
同文化流落亻厓兜穿梭
當生疏
存在個意義還知無？
恩俚個位所
同生活變動時間監牢
尋毋到
熟識個語言還知無？