故鄉情歌詞
添加日期：2023-12-16 時長：04分05秒 歌手：葉鍾措
སྲིད་པའི་གངས་རི་དྲིན་ཆེན་ཡིན།
གངས་རིའི་བློ་སྤོབས་ཁྱོད་ལ་འཛོམས།
གངས་ཆུའི་དྭངས་ཤ་ང་ལ་ལྡན།
ལས་བསོད་ཅན་གྱི་ཕ་བཟང་བུ།
ཕ་ལྟ་བུའི་གངས་རི་དཀར་པོ།
མ་བརྗེད་ལགས།
གངས་དཀར་པོ། གངས་དཀར་པོ།
སྐལ་བའི་གངས་རི་ཁྱོད།
གངས་དཀར་པོ། གངས་དཀར་པོ།
སྲིད་པའི་གངས་རི་ཁྱོད།
གངས་དཀར་པོ། གངས་དཀར་པོ།
ཕྱག་ཟུང་ཁྱོད་ལ་སྤྱོར།
ནས་ཞིང་སྔོན་མོ་དྲིན་ཆེན་ཡིན།
མགོ་ནག་བོད་པ་ཁྱོད་གྱིས་བསྐྱངས།
བོད་པའི་དཔལ་ཡོན་ཁྱོད་ལས་འཁྲུངས།
བསོད་ནམས་ཅན་གྱི་མ་བཟང་བུ།
མ་ལྟ་བུའི་ནས་ཞིང་སྔོན་མོ།
མ་བརྗེད་ལགས།
ནས་སྔོན་མོ། ནས་སྔོན་མོ།
ས་ཡི་རིན་ཆེན་ཁྱོད།
ནས་སྔོན་མོ། ནས་སྔོན་མོ།
བོད་པའི་གཅེས་ནོར་ཁྱོད།
ནས་སྔོན་མོ། ནས་སྔོན་མོ།
མཆོད་བསྟོད་ཁྱོད་ལ་འབུལ།
དབྱངས་གསལ་སོ་བཞི་དྲིན་ཆེན་ཡིན།
ཁ་བ་ཅན་ལ་ཤེས་རིག་དྲངས།
བོད་པའི་བློ་ལ་སྒྲོན་མེ་སྦར།
བསོད་ནམས་ཅན་གྱི་རིག་པའི་བུ།
གསེར་ལྟ་བུའི་ཤེས་རིག་རིན་ཆེན།
མ་བརྗེད་ལགས།
གསེར་ལྟ་བུའི། གསེར་ལྟ་བུའི།
རིག་པའི་སྒྲོན་མའི་ཁྱོད།
གསེར་ལྟ་བུའི། གསེར་ལྟ་བུའི།
བོད་པའི་གཅེས་ནོར་ཁྱོད།
གསེར་ལྟ་བུའི། གསེར་ལྟ་བུའི།
ནོར་བུ་ཁྱོད་ཡིན་ནོ།