愛之約定歌詞

作詞 : 仲巴羅布
作曲 : 仲巴羅布
編曲 : 仲巴羅布
男：
དམར་ཆུང་སེམས་ཀྱི་དགའ་ས་ཁྱོད་ཡིན།།
དྲན་པ་གསོན་པོ་དུང་བའི་མི་ཡིན།།
ཁྱེད་ཀྱི་བརྩེ་བ་ཁ་ཙམ་མིན་ན།།
དུང་སེམས་ཕྲ་མོ་ཁྱོད་ལ་འཁོར་ཡོང་།།
བརྩེ་བ་གངས་ཀྱི་རི་ཡིན།།
འགྱུར་མེད་སྲིད་པའི་དཔེ་ཡིན།།
བརྩེ་བ་དམར་མོ་ཁྲག་ཡིན།།
ཟུང་ཁྲག་འཚོ་བའི་རྟེན་ཡིན།།
女：
དགའ་བ་དུང་བ་མི་ཡི་གཤིས་རེད།།
འཛོམས་པ་བྲལ་བ་སྲིད་པའི་ཆོས་རེད།།
ཆུང་ནས་གཤིབ་པའི་རྩེ་རོགས་མིན་ཡང་།།
ཚེ་མཐའ་འགྲོགས་པའི་དགའ་ལོ་ཡིན་ཤོག།
ཁྱོད་ནི་རྒྱ་མཚོའི་རླབས་རེད།།
ང་ནི་གསེར་མིག་ཉ་ཡིན།།
མཛའ་མཐུན་གསེར་གྱི་ཐག་པ།།
འཁོར་བ་དུང་བའི་མཚོ་མོ།།
男：
ལས་དབང་ཟེར་བ་རྒན་པོའི་ཤོབ་རེད།།
བརྩེ་དུང་ཟེར་བདེན་པའི་གཏམ་རེད།།
女：
འདུས་བྱས་ཆོས་ལ་རྟག་པ་མེད་རུང་།།
བརྩེ་དུང་འདི་ལ་ནུབ་པ་མེད་ཤོག།
合：
སེམས་དང་བསམ་པ་མཐུན་ན།།
རྟ་ཕོ་གཞན་ནས་གཡར་ཆོག།
གཏམ་ལ་འགྱུར་བ་མེད་ན།།
སྡོད་ཁང་ག་ལེར་བསྐྲུན་ཆོག།
སེམས་དང་བསམ་པ་མཐུན་ན།།
རྟ་ཕོ་གཞན་ནས་གཡར་ཆོག།
གཏམ་ལ་འགྱུར་བ་མེད་ན།།
སྡོད་ཁང་ག་ལེར་བསྐྲུན་ཆོག།
女聲 : 桑丁措姆
錄音 : 嘎多吉扎巴
合成 : 嘎多吉扎巴