我的故鄉歌詞
添加日期：2023-11-30 時長：05分13秒 歌手：仲白
仲白 - 我的故鄉
作詞：曼拉加
作曲：白瑪
音樂宣傳：謝旦貼吧工作室
༡མགྲོན་པོ་ལགས། ཁྱེད་དལ་མོ་བྱོས།
གངས་མཆོད་རྟེན་འདྲ་བའི་གཡས་ཟུར་ན།།
སྡེ་སྐར་ཚོམས་འདྲ་བའི་གཡོན་ཟུར་ན།།
ལུག་གཡང་དཀར་འབའ་སྒྲ་ལྷང་སེ་ལྷང་།།
གནས་དེ་ནི་ང་ཡི་ཕ་ཡུལ་ཡིན།།
འཇའ་སྣ་ལྔའི་གུར་ཁང་འདི་ན་ཤར།།
སྤང་མེ་ཏོག་སྣ་ཚོགས་འདི་ན་བཞད།།
མགྲོན་པོ་ལགས། ཁྱེད་དལ་མོ་བྱོས།
མགྱོགས་རྟ་ཕོའི་བང་ཁ་ཚུར་ལ་ཕྱོགས།།
༢མགྲོན་པོ་ལགས། ཁྱེད་དལ་མོ་བྱོས།
རི་མནྟྲལ་འདྲ་བའི་གཡས་ཟུར་ན།།
ཐང་གོས་འཇམ་འདྲ་བའི་གཡོན་ཟུར་ན།།
འབྲི་མཛོ་མོའི་ངུར་སྒྲ་སྡུར་སེ་སྡུར།
གནས་དེ་ནི་ང་ཕ་ཡུལ་ཡིན།།
སྦྲ་དཀར་ནག་གུར་ཚོམས་འདི་ན་འཛོམས།།
ཕྱུག་གཡང་གི་འཕེལ་ཁ་འདི་ན་དར།།
མགྲོན་པོ་ལགས། ཁྱེད་དལ་མོ་བྱོས།
མགྱོགས་རྟ་ཕོའི་བང་ཁ་ཚུར་ལ་ཕྱོགས།།
༢མགྲོན་པོ་ལགས། ཁྱེད་དལ་མོ་བྱོས།
རྩིག་བྲག་རི་འདྲ་བའི་གཡས་ཟུར་ན།།
ཐབ་ནོར་བུ་འདྲ་བའི་གཡོན་ཟུར་ན།།
ནང་སྤུན་ཟླའི་གླུ་སྐད་སིང་སེ་སིང་།།
གནས་དེ་ནི་ང་ཕ་ཡུལ་ཡིན།།
ཞོ་འོ་མའི་རྒྱ་མཚོ་འདི་ན་འཁྱིལ།།
ཟས་སྣ་ཚོགས་སྡེར་ཁ་འདི་ན་འཛོམས།།
མགྲོན་པོ་ལགས། ཁྱེད་དལ་མོ་བྱོས།
མགྱོགས་རྟ་ཕོའི་བང་ཁ་ཚུར་ལ་ཕྱོགས།།
གླུ་གཞས་ཁྱབ་སྤེལ། ཤེར་བསྟན་འཕྲིན་སྟེགས་ལས་སྒྲུབ་ཁང་།