心藏私密的盛夏歌詞
添加日期：2023-09-04 時長：04分49秒 歌手：三智才讓
作詞 : 扎更宗智尖措
作曲 : 三智才讓
མི་ཚེ་རིང་མོའི་རྒྱུན་ལ་བརྒྱུས་པའི།།
སྐྱིད་སྡུག་གཏམ་རྒྱུད་སྣ་ཚོགས་ཕྲེང་བ།།
རིན་ཐང་གཅིག་ལ་སྙོམ་པོ་མེད་ཀྱང་།།
རྩིས་ཆེན་བྱུ་རུའི་མདོ་འཛིན་ཁྱོད་ཡིན།།
ལོ་ན་གཞོན་པའི་དུས་ལ་མ་འཕྲད།།
སྣང་བའི་རྒྱལ་ཁམས་འགྲིམས་རོགས་མིན་ཡང་།།
ད་རེ་ཤ་འདྲིས་པགས་འདྲིས་བྱུང་བས།།
དགུན་ལ་གསང་བའི་དབྱར་ཁ་མཐོང་བྱུང་།།
དགུན་ལ་གསང་བའི་དབྱར་ཁ་མཐོང་བྱུང་།།
འདབ་མ་རླུང་གིས་གཏོར་ན་ཅི་བཅའ།།
ལས་འཕྲོ་ལས་ཀྱིས་ཟད་ན་ཅི་བཅའ།།
དེ་མིན་བར་ཆད་ཆ་ངེ་ཆུང་ངེ་།།
སེམས་དང་སེམས་པའི་བར་ལ་མ་འཇོག།
དགའ་ས་ཁྱོད་ཡིན་གཅེས་ས་ཁྱོད་ཡིན།།
སྐྱིད་གླུ་ཁྱོད་ལེན་སྡུག་གཏམ་ཁྱོད་བཤད།།
རང་དབང་སྤྲིན་པའི་སྣང་བ་མེད་ཀྱང་།།
གསང་བའི་དམ་ཚིག་སྲུང་རོགས་ཉན་དགོས།།
གསང་བའི་དམ་ཚིག་སྲུང་རོགས་ཉན་དགོས།།
ལྷན་འཛོམས་ཉུང་སོང་འཛོམས་ཡུན་ཐུང་སོང་།།
དྲན་པ་ཁྱོད་ཡིན་རྨི་ལམ་ཁྱོད་ཡིན།།
ལས་ཀྱི་བྱ་གཞག་སོ་སོར་ཡོད་ཀྱང་།།
མ་གསང་འདང་བརྩེའི་ནམ་མཁའ་གཅིག་ཡིན།།
བྱ་བ་ཆེ་ཡང་ཆུང་ཡང་གལ་ཆེ།།
ལས་ཀྱིས་མ་ཐུག་ཡུན་རིང་འགོར་ན།།
མ་མཐོང་མྱི་ཁའི་རླུང་ལ་མ་ཉན།།
བདེན་པའི་འདང་ལ་ཡིད་ཆེས་བྱེད་དགོས།།
བདེན་པའི་འདང་ལ་ཡིད་ཆེས་བྱེད་དགོས།།
བདེན་པའི་འདང་ལ་ཡིད་ཆེས་བྱེད་དགོས།།