格桑拉姆歌詞
添加日期：2023-03-24 時長：03分58秒 歌手：科旦
作詞 : 拉加才讓
作曲 : 班瑪
編曲 : 科旦
དར་དཀར་པོ་ལྟ་བའི་སྨུག་པ་དེ།།
རི་མཐོན་པོའི་ཟོམ་ནས་མཁའ་ལ་ཆས།།
གཡུ་སྔོན་མོ་ལྟ་བའི་ནམ་མཁའ་ན།།
སྤྲིན་དཀར་པོ་དུམ་བུ་དུམ་བུ་སྐྱོད།།
ཨེ་མ། སྐལ་བཟང་ལྷ་མོ་ལགས།
མཐོངས་འདི་ན་སྐྱོད་པའི་སྤྲིན་དཀར་འདི།
ཁྱོད་ཀྱི་གཡང་དཀར་ལུག་ཁྱུ་རེད།
གཡང་དཀར་ལུག་ཁྱུ་རེད།
དབྱར་མེ་ཏོག་བཞད་པའི་སྤང་ཐང་དུ།།
རྩྭ་སྔོན་མོའི་མཛེས་སྡུག་ཐགས་སུ་བསྐྲུན།།
རླུང་གསེར་བུ་དལ་གྱིས་རྒྱུ་བ་ན།།
སྤང་མེ་ཏོག་གསེར་ཆེན་འཛུམ་ཞིང་དགོད།།
ཨེ་མ། སྐལ་བཟང་ལྷ་མོ་ལགས།
སྤང་འདི་ན་བཞད་པའི་སེར་ཆེན་འདི།
ཁྱོད་ཀྱི་ལྷད་མེད་འཛུམ་མདངས་རེད།
ལྷད་མེད་འཛུམ་མདངས་རེད།
གངས་དཀར་བོའི་ཟུར་ནས་ཡོང་བ་ཡིན།།
ཆུ་སྔོན་མོ་འདི་ན་དྭངས་ཞིང་འཚེར།།
རྫ་སྨུག་པོའི་ཁྲོད་ནས་བཞུར་བ་ན།།
ཡག་མུ་ཏིག་གཏོར་བཞིན་དགའ་ལྷང་ལྷང་།།
ཨེ་མ། སྐལ་བཟང་ལྷ་མོ་ལགས།
ཆབ་སྔོན་མོའི་ལྷུང་ལྷུང་བཞུར་སྒྲ་འདི།
ཁྱོད་ཀྱི་སྙན་འཇེམས་དགོད་སྒྲ་རེད།
སྙན་འཇེམས་དགོད་སྒྲ་རེད།
ཨེ་མ། སྐལ་བཟང་ལྷ་མོ་ལགས།
ཆབ་སྔོན་མོའི་ལྷུང་ལྷུང་བཞུར་སྒྲ་འདི།
ཁྱོད་ཀྱི་སྙན་འཇེམས་དགོད་སྒྲ་རེད།
སྙན་འཇེམས་དགོད་སྒྲ་རེད།
སྐལ་བཟང་ལྷ་མོ་ལགས།